लक्ष्मीपूजाको साँझ जगमग काठमाडौं, हेर्नुस् तस्बिरहरू

लक्ष्मीपूजापछि घरघरमा बालिएको बत्तीका कारण काठमाडौं उज्यालो देखिएको छ । काठमाडौंको धरहरा, स्वयम्भू, न्युरोड, महावौद्ध, नयाँ बानेश्वर, कोटेश्वर लगायतका क्षेत्रमा यतिबेला उज्यालोको उमंग छ । २२ कात्तिक, काठमाडौं । तिहारको आज दोस्रो दिन । यसवर्ष आज कुकुर तिहार र लक्ष्मीपूजा एकैदिन परेको छ ।

तिहारको मुख्य दिन लक्ष्मीपूजा घरघरमा धनकी देवी लक्ष्मीको पूजा गरिएको छ । घर तथा कार्यालयहरुमा विभिन्न रंग राखेर आकर्षक रंगोली बनाइएको छ । लक्ष्मीको पूजापछि घरको गेट तथा मूलढोकामा पनि खुला राख्ने गरिन्छ । लक्ष्मीपूजा केवल धनसम्पत्तिको कामना गर्ने पर्व मात्र नभइ यो सरसफाइ, कृतज्ञता, आशा र नयाँ सुरुवातको सन्देश दिने पर्व पनि मानिन्छ । परम्परागत तेलका दियोदेखि देउसी भैलो गीतसम्म, यस पर्वले परिवार, छिमेक र समुदायलाई एकै ठाउँमा जोड्दै नेपालको रातलाई अझ उज्यालो र उत्सवमय बनाएको छ ।

लक्ष्मीपूजापछि घरघरमा बालिएको बत्तीका कारण काठमाडौं उज्यालो देखिएको छ । काठमाडौंको धरहरा, स्वयम्भू, न्युरोड, महावौद्ध, नयाँ बानेश्वर, कोटेश्वर लगायतका क्षेत्रमा यतिबेला उज्यालोको उमंग छ । धेरैजसो घर, कार्यालय तथा अन्य पसल तथा व्यवसाय रहेको भवनमा झिलिमिली बत्ती बालिएको छ । झिलिमिली बत्तीले सजिएको काठमाडौं उपत्यकाका विभिन्न स्थानबाट कैद गरिएका तस्वीरहरू यहाँ प्रस्तुत गरिएको छ ।