गगन थापाको प्रतिवाद– ‘प्रायोजित प्रचारबाजी मेरो वरिपरि ल्याइएको छ’

फिक्सर इनाम सापकोटा अहिले प्रहरीको अनुसन्धानको लागि हिरासतमा छन् त्यहाँ सोध्ने प्रश्न हो । अनुसन्धान फेयर भयो कि भएन भनेर हेर्ने यसमा को-को जोडिए त्यो सबै कुराहरु खोतल्ने प्रेसको पनि यही जिम्मा हो । कांग्रेस सभापति गगन थापाले उनीमाथि चलेका अफवाह र राज्यपक्षबाट भइरहेका कामकारबाहीप्रति बिहीबार आफ्नो धारणा राखेका छन् । उनले भिडियोमार्फत् समग्र विषयमा आफ्नो कुरा राखेका हुन्। यो प्रकरणमा पार्टी का वरिष्ठ उपसभापति विश्वप्रकाश शर्माले पार्टीको केन्द्रीय कार्यालयमा हिजो प्रेस कन्फ्रेन्स गरेर सबै विषय वस्तुहरु डिटेलमा राखिसक्नु भएको छ । जसको सार दुइटा छ- एउटा यो बदनियतका साथ चलाइएको हल्ला हो । यसलाई हामी पूर्ण रुपमा खारेज गर्छौं ।

दोस्रो नेपाली कांग्रेस पार्टीको नेतृत्व सबै खालको अनुसन्धानको लागि तयार छ । यति कुरा पार्टीको उपसभापतिले बोलिसके पछाडी मैले नबोले पनि हुने हो । तर केहि विषयहरुमा मलाई डाइरेक्टली कम्युनिकेट गर्नुपर्छ भन्ने लाग्छ । त्यसैले यो सन्दर्भमा पनि मैले एउटा सानो भिडियो बनाएको छु । फिक्सर इनाम सापकोटा जो अहिले प्रहरीको अनुसन्धानको लागि हिरासतमा छन् । उनको भनेर एउटा अडियो बाहिर आएको छ त्यो अडियो मा मेरो बारेमा केहि कुरा सुनिएको भनेर त्यो अडियो कहाँ बोलेको ? कसले बोलेको ?

किन बोलेको ? कहिले बोलेको ? थाहा छैन । बोलेको हो कि बोलाइएको ? यो पनि थाहा छैन । मलाई यतातिर अलि चासो पनि छैन ।