सम्पर्कविहीनलाई मृतक सरह घोषणा गर्ने निर्णय कार्यान्वयन भएन, परिवारले पाएनन् रकम

बेपत्ता व्यक्तिको मृत्यु घोषणाको अवधि घटाएर ४५ दिन कायम गर्ने निर्णय भएको एक महिना पुगिसकेको छ । मृतक सरह घोषणा हुन नसक्दा सरकारले छुट्याएकै रकम परिवारले प्राप्त गर्न सकेका छैनन् । २२ कात्तिक, काठमाडौं । भोटेकोशीमा विनासकारी बाढी आएको आज (कात्तिक २२) ७५ दिन पुगेको छ ।

भदौ १० गते आएको बाढीबाट मानवीय क्षतिको यकिन विवरण हालसम्म सार्वजनिक भएको छै राष्ट्रिय विपद् जोखिम न्यूनीकण तथा व्यवस्थापन प्राधिकरणले गत शुक्रबार निकालेको पछिल्लो तथ्यांक अनुसार मृतकको संख्या १४६४ छ । सम्पर्कविहीन भएकाहरूको संख्या ५२८५ छ । बाढी आएको तीन महिना पुग्न लाग्दा समेत बेपत्ता भएकाहरू जीवित वा मृत रहेको यकिन हुन सकेको छैन । एकातर्फ, सरकारले बेपत्ताहरूको जीवित वा मृत्यु पहिचान गरेर सूची निकाल्न सकिरहेको छैन भने अर्कोतर्फ बाढी प्रभावितले हैरानी खेपिरहेका छन् ।

सरकारले परिवारमा मृत्यु एक जनाको भएको भए दुई लाख र थप मृत्यु भएको भएमा प्रति मृतक १ लाख सहयोग रकम उपलब्ध गराउने निर्णय गरेको छ । बाढीबाट ७५ जिल्लाका नागरिक मृत्य र बेपत्ता भएका छन् । सरकारी तथ्यांक अनुसार ५ हजार २ सय ८५ बेपत्ता रहेकामा २ हजार २ सय ९४ जनाको विवरण जिल्लाहरूबाट प्राप्त भएको छ ।