धनधान्यकी देवी लक्ष्मीको पूजा गरिदै

लक्ष्मीपूजाका अवसरमा घरघरका मूल ढोकामा रातो माटो लिपेर लक्ष्मीको पाइला बनाउनुका साथै विभिन्न रङका रङ्गोली बनाएर सजाइएको छ। धनधान्यकी देवी लक्ष्मीको आराधना गर्दै घरमा सुख, शान्ति, समृद्धि र सौभाग्य प्राप्तिको कामनासहित पूजा गरिएको छ।

बजारमा क्षेत्रमा रहेका पसलका मूल ढोकाहरू पनि विभिन्न रङ र आकृतिका रङ्गोलीले सजिएका छन्। लक्ष्मीलाई घर तथा व्यापारिक प्रतिष्ठानमा स्वागत गर्न ढोकादेखि पूजास्थलसम्म लक्ष्मीका पाइला बनाउने र दीप प्रज्वलन गर्ने परम्परा रहेको छ।