प्रधानमन्त्री कार्यालयको २०७ नम्बर कोठामा कार्कीलाई छुट्टै कार्यकक्ष, पत्र लिन गएनन्

हिजो मात्रै बसेको मन्त्रिपरिषद् बैठकले कार्कीलाई आईजीपीबाट हटाएर डा. मनोजकुमार केसीलाई नियुक्त गरेको थियो । कार्कीलाई भने नयाँ दरबन्दी सिर्जना गरेर प्रधानमन्त्री तथा मन्त्रिपरिषद् कार्यालयमा रहनेगरी निर्णय लिएको थियो । १९ कात्तिक, काठमाडौं ।

नेपाल प्रहरीको महानिरीक्षक पदबाट हटाइएका दानबहादुर कार्कीका लागि सरकारले छुट्टै ‘विशेष सुरक्षा सल्लाहकार’ को पद सिर्जना गरेको थियो । प्रधानमन्त्री तथा मन्त्रिपरिषद् कार्यालयमा रहनेगरी स्थापित गरिएको उक्त पदको पत्र लिन निवर्तमान आईजीपी कार्की बिहीबार सिंहदरबा गएनन् । प्रधानमन्त्रीको टिमको सल्लाहकार, सचिवहरू र अरु व्यक्तिलाई प्रधानमन्त्री कार्यालयमा कार्यालय व्यवस्थापनका लागि कुनै समस्या नहुने बताउँछन् । ‘यहाँ कार्यालयमा हामीसँग अतिरिक्त कोठा भइ नै हान्छन्, अतिरिक्त सचिव, सचिवहरू लगायत अरू कामलाई कार्यकक्ष व्यवस्थापन भएकै हुन्छ,’ अर्यालले भने, ‘त्यसक्रममा सुरक्षा सल्लाहकारका लागि पनि कोठा व्यवस्थापन गरिएको हुनुपर्छ ।

’ प्रधानमन्त्री कार्यालय स्रोतका अनुसार, उनलाई प्रधानमन्त्री कार्यालयको कोठा नम्बर २०७ मा कार्यकक्षको व्यवस्थापन गरिएको छ । उनलाई नेपाल सरकारको सचिवसरह हुनेगरी सुविधा मिलाइएको स्रोत बताउँछ । सरकारका सचिवलाई आफ्नै कार्यकक्ष, सवारी साधन र सुरक्षा पनि उपलब्ध गराउने गरिन्छ ।