वैदेशिक रोजगारीमा ज्यान गुमाएका श्रमिकका परिवारलाई त्रिभुवन विमानस्थलमा विश्राम कक्ष

वैदेशिक रोजगार बोर्डको १८औं स्थापना दिवस अवसर पारेर बुधबारदेखि उक्त प्रतीक्षालय तथा विश्राम कक्ष सञ्चालनमा ल्याइएको हो । १८ काक्तिक, काठमाडौं । वैदेशिक रोजगारी त्रममा ज्यान गुमाएका नेपाली श्रमिकका परिवार तथा आफन्तको पर्खाइ सहज बनाउन त्रिभुवन अन्तर्राष्ट्रिय विमानस्थलमा आप्रवासी श्रमिक परिवार प्रतीक्षालय तथा विश्राम कक्ष सञ्चालनमा ल्याइएको छ ।

वैदेशिक रोजगार बोर्डको १८औं स्थापना दिवस अवसर पारेर बुधबारदेखि उक्त प्रतीक्षालय तथा विश्राम कक्ष सञ्चालनमा ल्याइएको हो । वैदेशिक रोजगार बोर्ड कार्यकारी निर्देशक निर्मलकुमार उप्रेतीले वैदेशिक रोजगारी क्रममा जीवन गुमाउने नेपाली श्रमिकका परिवार तथा आफन्तको पर्खाइ सहज बनाउने उद्देश्यले सेवा सुरु गरिएको जानकारी दिए । ‘वैदेशिक रोजगारका क्रममा जीवन गुमाउने नेपाली श्रमिकका परिवार तथा आफन्तको पर्खाइ थोरै भए पनि सहज होस् भन्ने उद्देश्यसाथ यो सेवा सुरु गरेका हौं,’ उप्रेतीले भने ।

वैदेशिक रोजगारी क्रममा ज्यान गुमाएका श्रमिकको शव स्वदेश ल्याउने प्रक्रियामा परिवार तथा आफन्तले विमानस्थलमा लामो समय प्रतीक्षा गर्नुपर्ने अवस्था रहँदै आएको छ । बोर्डले वैदेशिक रोजगारलाई सुरक्षित, व्यवस्थित र मर्यादित बनाउन विभिन्न कार्यक्रम सञ्चालन गर्दै आएको छ ।