महांकाल मन्दिरको चौघेरा सत्तल पुनर्निर्माण

महांकाल मन्दिर परिसरमा रहेको चौघेरा सत्तलको पुनर्निर्माण गरिएको छ।काठमाडौँ महानगरपालिकाको सम्पदा तथा पर्यटन विभागले पुनःनिर्माण गरेको सत्तलको बिहीबार कार्यवाहक प्रमुख सुनिता डंगोलले उद्घाटन गरिन्।२०७२ को भूकम्पको कम्पनले जीर्ण बनेको सत्तल पुनर्निर्माणका लागि २०८१ मंसिर २४ गते शिलान्यास भएको थियो।

८ करोड ९४ लाख ४६ हजार १७० रुपैयाँमा पुनर्निर्माण सम्पन्न भएको महानगरपालिकाले जनाएको छ।