भीमफेदी सवारी दुर्घटना छानबिन गर्न पाँच सदस्यीय समिति गठन

काठमाडौं। मकवानपुरको भीमफेदी गाउँपालिका-६, चिसापानीगढीस्थित भीमफेदी-कुलेखानी-काठमाडौं सडकखण्डमा भएको यात्रुवाहक सवारी दुर्घटनाको सत्यतथ्य छानबिन गर्न सरकारले पाँच सदस्यीय समिति गठन गरेको छ।

प्रधानमन्त्री तथा मन्त्रिपरिषद्को कार्यालयले एक सूचना जारी गर्दै मकवानपुरका सहायक प्रमुख जिल्ला अधिकारीको संयोजकत्वमा समिति गठन गरिएको जनाएको हो। दुर्घटनाको वास्तविक कारण पहिचान गर्न र आगामी दिनमा यस्ता घटना दोहोरिन नदिन आवश्यक सुझावसहितको प्रतिवेदन […]