देश डुबाउने र जलाउने दुवै जनताका शत्रु हुन् : प्रेम सुवाल

२३ कात्तिक, भक्तपुर । नेपाल मजदुर किसान पार्टीका केन्द्रीय सचिव प्रेम सुवालले भ्रष्टाचार गरेर देश डुबाउने र आन्दोलनको नाममा देश जलाउने दुवै नेपाली जनताका शत्रु भएको बताएका छन् ।

उनले पुराना पार्टीहरुले भ्रष्टाचार गरी देश डुबाएको र नयाँं भनिएको पार्टीले गतवर्ष भदौ २३ र २४ गते देश जलाएको आरोप लगाए । यी दुवै पक्षबाट देश नबन्ने सुवालले ठोकुवा गरे ।

देशमा भ्रष्टाचार नियन्त्रणका लागि प्रधानमन्त्रीबाटै सुरु हुनुपर्ने खांँचो उनले बताए । ‘प्रधानमन्त्रीले भ्रष्टाचार गर्नुभएन भने मन्त्रीहरूले गर्न सक्दैनन्, मन्त्रीहरूले गर्न नसकेपछि हाकिमहरूले गर्न सक्दैनन,’ उनले भने ।