अर्थमन्त्री स्वर्णिम वाग्ले टर्की प्रस्थान

अर्थमन्त्री डा. स्वर्णिम वाग्ले राष्ट्रसंघीय जलवायु परिवर्तनसम्बन्धी संरचना महासन्धि (यूएनएफसीसीसी) का पक्ष राष्ट्रहरूको ३१औं सम्मेलन (कोप-३१) मा सहभागी हुन टर्की प्रस्थान गरेका छन्।

अर्थमन्त्री वाग्ले सोमबार टर्किस एयरलाइन्सको उडानमार्फत त्रिभुवन अन्तर्राष्ट्रिय विमानस्थलबाट टर्कीको कोप शिखर सम्मेलन हुने सहर आन्ताल्याका लागि प्रस्थान गरेका हुन्। कोप-३१ मा उनले जलवायु परिवर्तन र दिगो आर्थिक विकाससँग सम्बन्धित नेपालको मुद्दालाई विभिन्न उच्चस्तरीय शत्रहरूमा पैरवी र प्रतिनिधित्व गर्ने कार्यतालिका रहेको छ।

टर्कीको आन्ताल्यामा सोमबार कोप-३१ सुरु भएको छ। सम्मेलनमा नेपाली प्रतिनिधिमण्डलको नेतृत्व गर्दै परराष्ट्रमन्त्री शिशिर खनाल सम्मेलनस्थल पुगिसकेका छन्।