जनकपुरमा टिपरले ठक्कर दिँदा स्कुटी चालकको मृत्यु

जनकपुरधाम उपमहानगरपालिका–८ मा घर भएका २३ वर्षीय नितेश चौधरी घटनास्थलमै मृत्यु भएको जिल्ला प्रहरी कार्यालय धनुषाले जनाएको छ।

चौधरी सवार मधेश प्रदेश ०२–०१० प ४०६९ नम्बरको स्कुटीलाई बिहीबार पिडारी चोकस्थित पिडारी जाने बाटोमा मधेश प्रदेश ०३–००१ ख ७५०४ नम्बरको टिपरले ठक्कर दिएको थियो।

जिल्ला प्रहरी कार्यालय धनुषाका प्रवक्ता एवं सूचना अधिकारी प्रहरी नायब उपरीक्षक ओमप्रकाश खनालले घटनास्थलमै उनको मृत्यु भएको जानकारी दिए।