लन्डनमा नेपालको पर्यटन प्रवर्द्धन

कार्यक्रमलाई सम्बोधन गर्दै पर्यटन मन्त्री पौडेलले नेपालले विश्वलाई दिने सबैभन्दा उत्कृष्ट उपहार ध्यान र योगा भएको बताए । नेपाल इभिनिङ नाम दिइएको उक्त कार्यक्रममा संस्कृति, पर्यटन तथा नागरिक उड्ययन मन्त्री खडकराज पौडेल (गनेश) को नेतृत्वमा लन्डन आएको प्रतिनिधिमण्डल र रास्वपा सांसद मनिषा झा समेत उपस्थित थिए ।

मन्त्री पौडेल पर्यटन क्षेत्रको कुम्भमेला पनि भनिने वर्ल्ड ट्राभल मार्केट (डब्लूटीएम) २०२६ मा भाग लिन नेपाली प्रतिनिधिमण्डलको नेतृत्व गर्दै लन्डन आएका हुन् । कार्यक्रमलाई सम्बोधन गर्दै पर्यटन मन्त्री पौडेलले नेपालले विश्वलाई दिने सबैभन्दा उत्कृष्ट उपहार ध्यान र योगा भएको बताए ।

नेपाल सरकारले सन् २०२७ लाई ‘नेपाल वेलनेस वर्ष’ का रूपमा घोषणा गर्दै यो अभियान समग्र स्वास्थ्य, आध्यात्मिक उपचार र दिगो पर्यटनका लागि मुलुकलाई विश्वव्यापी केन्द्रका रूपमा स्थापित गर्ने १० वर्षे बृहत् रणनीतिको एक हिस्साका रूपमा लिएको छ । दूतावासमै गौतम बुद्धको मूर्ति उद्घाटन पछि मञ्च उत्रिएका उनले हाम्रा लागि बुद्ध केवल एक ऐतिहासिक प्रतीक मात्र नभइ उनी शान्ति, करुणा र सहअस्तित्वको सन्देश संसारभर पुरयाउने वास्तविक राजदूत भएको समेत बताए ।