तिहारमा झलमल्ल काठमाडौं सहर, हेर्नुहोस् तस्बिरहरू

बजारका पसल तथा व्यापारिक कम्प्लेक्सहरू झिलिमिली बत्तीले सजिएका छन् भने तिहारका लागि आवश्यक सामग्री किनमेल गर्ने सर्वसाधारणको चहलपहल पनि उत्तिकै देखिन्छ। तिहारलाई फूल, बत्ती र सप्तरंगी पर्वका रूपमा पनि चिनिन्छ।

यस अवसरमा घरआँगन सफा गरी सयपत्री र मखमली फूलका माला तथा रंगीचंगी बत्तीले सजाउने परम्परा छ। विशेषगरी लक्ष्मीपूजाका दिन घरका झ्याल, ढोका, कौसी र आँगनमा दीप प्रज्वलन गरी धनकी देवी लक्ष्मीको पूजा आराधना गरिन्छ।

सफासुग्घर र उज्यालो घरमा लक्ष्मीको बास हुने धार्मिक विश्वास अनुसार सर्वसाधारणले घर तथा कार्यालय सजाउने र दीपावली गर्ने गरेका छन्।