फ्रान्सलाई ३–१ ले हराउँदै इटाली समूहको शीर्ष स्थानमा

काठमाडौँ । युइएफए नेसन्स लिग अन्तर्गत समूह चरणको पाँचौँ खेलमा इटालीले फ्रान्समाथि ३–१ गोलको पुनरागमन जित दर्ता गरेको छ । समूह 'ए' अन्तर्गत भएको खेलमा फ्रान्सले सुरुवातमै अग्रता लिएको थियो।

खेलको १० औँ मिनेटमा माइकल ओलिसेले गोल गर्दै फ्रान्सलाई १–० को सुरुवाती अग्रता दिलाएका थिए । तर, त्यसपछि खेलमा उत्कृष्ट पुनरागमन गर्दै इटालीले तीन गोल थप्यो। खेलको २६ औँ मिनेटमा पियो एस्पोसिटोले गोल गर्दै खेललाई १–१ को बराबरीमा ल्याए ।

दोस्रो हाफमा इटालीले आफ्नो अग्रता बनायो। खेलको ६३ औँ मिनेटमा डेभिड फ्रात्तेसीले गोल गर्दै टोलीलाई २–१ को अग्रता दिलाए । त्यसपछि खेलको ७५ औँ मिनेटमा पियो एस्पोसिटोले पेनाल्टीमार्फत व्यक्तिगत दोस्रो गोल गरेपछि इटालीको ३–१ को जित सुनिश्चित भयो ।