प्रेम सम्बन्ध र जासुसी : इतिहासका चर्चित ‘हनी ट्र्याप’

विश्वका सबैभन्दा मूल्यवान प्रविधि कम्पनीहरूमध्ये एक एनभिडियाका प्रमुख कार्यकारी अधिकृत जेन्सेन ह्वाङ शङ्कास्पद चिनियाँ जासुससँगको सम्बन्धका कारण गम्भीर विवादमा तानिएका छन्। विश्वका सबैभन्दा मूल्यवान प्रविधि कम्पनीहरूमध्ये एक एनभिडियाका प्रमुख कार्यकारी अधिकृत जेन्सेन ह्वाङ शङ्कास्पद चिनियाँ जासुससँगको सम्बन्धका कारण गम्भीर विवादमा तानिएका छन्।

ह्वाङले आइतबार आफ्ना कर्मचारीहरूलाई एक सन्देश पठाउँदै उक्त सम्बन्धको स्वीकारोक्ति दिएका छन्। विदेशी गुप्तचर निकायहरूले राजनीतिक सूचना, कर्पोरेट रहस्य र संवेदनशील वर्गीकृत दस्तावेजहरूमा पहुँच बनाउनका लागि प्रेम वा यौन सम्बन्धलाई हतियार (हनी ट्र्याप) को रूपमा प्रयोग गर्ने पुरानो रणनीति रहेको छ।

ह्वाङको यो घटनाले प्रविधि क्षेत्रको व्यावसायिक गोपनीयता र अमेरिकी राष्ट्रिय सुरक्षामाथि नै ठूलो प्रश्नचिह्न खडा गरिदिएको छ। जेन्सेन ह्वाङ र एलिस ह्वाङ काण्ड : नयाँ घटनाक्रम र तथ्यहरू न्यूयोर्क टाइम्सको रिपोर्ट अनुसार अमेरिकी अधिकारीहरूले चीनको मुख्य गुप्तचर संस्था ‘मिनिस्ट्री अफ स्टेट सेक्युरिटी’ (एमएसएस) ले एलिस ह्वाङलाई परिचालन गरेको दाबी गरेका छन्।