भारतीय सेनाको अग्निपथमा संशोधन, अग्निवीरले थप दुई वर्ष जागिर खान पाउने

सन् २०२२ भारतमा अग्निपथ योजना लागु भएपछि भारतीय सेनामा नेपालीहरूको भर्ती रोकिएको थियो । अग्निपथ अनुसार भर्ती भएकाहरू मध्ये ७५ प्रतिशतको जागिर चार वर्षपछि सकिन्थ्यो । १८ कात्तिक, काठमाडौं । भारतीय विदेश सचिव विक्रम मिश्रि काठमाडौंमा भेटघाटमा व्यस्त भएका भइरहेका बेला भारतको मन्त्रिपरिषद्ले गोर्खा भर्तीसँग जोडिएको विषयमा एउटा अर्थपूर्ण निर्णय गरेको छ ।

सन् २०२२ भारतमा अग्निपथ योजना लागु भएपछि भारतीय सेनामा नेपालीहरूको भर्ती रोकिएको थियो । अग्निपथ अनुसार भर्ती भएकाहरू मध्ये ७५ प्रतिशतको जागिर चार वर्षपछि सकिन्थ्यो । बुधबार मिश्रिको भ्रमण चलिरहेका बेला भारतले अग्निपथको अवधी चार वर्षबाट बढाएर ६ वर्ष पुर्याएको भारतीय रक्षामन्त्री राजनाथ सिंहले सामाजिक सञ्जाल एक्समार्फत् जानकारी दिए । प्रधानमन्त्री बालेन्द्र शाहको मंसिरमा हुने भनिएको भारत भ्रमणको पूर्व सन्ध्यामा आएको यस्तो निर्णयको दुई वटा सन्देश हुन सक्ने कुटनीतिक मामिलाका जानकारहरू बताउँछन् ।

नेपालसँग सुमधुर सम्बन्धका लागि भारत तयार रहेको र भारतीय सेनामा नेपाली लिगेसीलाई निरन्तरता दिन चाहेको हुनसक्ने उनीहरू बताउँछन् । ‘तर यस्तो निर्णय नेपालसँग सल्लाह गरेरै लिएको भए हुन्थ्यो,’ भारतका लागि पूर्व नेपाली राजदुत दीपकुमार उपाध्याय भन्छन् ।