‘रोनाल्डो’ को मृत्युपछि प्रजनन केन्द्रमा भाले हात्तीबीच शक्ति संघर्ष

‘रोनाल्डोको अगाडि कुनै पनि भाले हात्ती ढिम्किन पाउँदैन थे, उ बितेपछि कसले यसलाई पकडमा राख्ने भन्ने प्रतिस्पर्धा चर्किएको छ’ केन्द्र प्रमुख चौधरी भन्छन्, ‘तीन वटा भाले हात्ती भिडिरहेका छन्, अझै ध्रुबे त देखिएको छैन । ’ २७ कात्तिक, चितवन । ‘रोनाल्डो’को मृत्यु भएपछि सौराहाको हात्ती प्रजनन केन्द्रलाई आफ्नो पकडमा लिन जंगली भाले हात्तीहरुका बीचमा शक्ति संर्घष बढ्दै गएको छ । गत ३ असोजमा बरण्डाभार क्षेत्रको बिसहजारी ताल नजिकै रहेको नेपाली सेनाको पोष्टमा लगेको विद्युतीय तार चपाउँदा ४५ वर्षका चर्चित भाले हात्ती रोनाल्डोको मृत्यु भएको थियो ।

रोनाल्डोको मृत्युपछि उसको ठाँउ कसले लिने भनेर प्रजनन केन्द्रमा शक्ति संर्घष चर्किएको छ । रोनाल्डोको मृत्यु भए लगत्तै गोविन्देले झन्डै दुई महिना केन्द्रलाई आफ्नो नियन्त्रणमा लिएको थियो । तर, अहिले गोविन्देको ठाँउमा अर्को भाले हात्ती सुवेदीगजले लिन थालेको हात्ती प्रजनन केन्द्रका प्रमुख मनपुरन चौधरीले बताए । ‘रोनाल्डोको अगाडि कुनै पनि भाले हात्ती ढिम्किन पाउँदैन थे, उ बितेपछि कसले यसलाई पकडमा राख्ने भन्ने प्रतिस्पर्धा चर्किएको छ’ केन्द्र प्रमुख चौधरी भन्छन्, ‘तीन वटा भाले हात्ती भिडिरहेका छन्, अझै ध्रुबे त देखिएको छैन ।

’ मनपुरनका अनुसार १ महिना अगाडि केहीदिन भीमगज नामको भाले हात्ती पनि प्रजनन केन्द्रमा आएको थियो । तर, भीमगजलाई सुवेदीगजले रिप्लेस गरेको छ ।