एक जासुसको कथा भन्ने रहस्यमयी फिल्म, हेर्नुस् युट्युबमा

फिल्मको कथा गोपी नामका युवकको वरिपरि घुम्छ। उनका बुवा रघुवीर भारतीय गुप्तचर संस्था रअका एजेन्ट हुन्छन्। एउटा गोप्य मिसन क्रममा उनको मृत्यु हुन्छ। अर्जुनको सपना पनि बुबाजस्तै गुप्तचर बन्ने हुन्छ। उनी भारतीय गुप्तचर संस्था रअमा प्रवेश गर्न पटक पटक आवेदन दिन्छन्। तर उनको आवेदनले कुनै प्रतिक्रिया पाउँदैन। उनी रअको गोप्य शाखा 'त्रिनेत्र' मा भर्ती हुन्छन्।

तालिम पूरा गरेपछि उनलाई एजेन्ट ११६ को परिचय दिइन्छ। त्यसपछि उनको जिम्मेवारी एउटा अन्तर्राष्ट्रिय आतंकवादी संगठन अल मुजाहिद्दीनको गतिविधि पत्ता लगाउनु हुन्छ। यही क्रममा अर्जुनको भेट समिरा रावसँग हुन्छ। हार्वर्ड विश्वविद्यालयबाट मनोविज्ञान अध्ययन गरेकी समिरा र अर्जुनबीच प्रेम सम्बन्ध सुरू हुन्छ। दुवैले बाल्यकालमै आमाबुवा गुमाएको अनुभव साट्छन्। तर अर्जुनले काम गरिरहेको गोप्य संस्थाभित्रै आतंकवादी संगठनको घुसपैठ भइसकेको हुन्छ। एउटा मिसन क्रममा प्राप्त गोप्य संकेतको अर्थ बुझ्न नसक्दा उनी ठूलो संकटमा पर्छन्।

त्रिनेत्रका संस्थापक आचार्य र प्रमुख अधिकारी दामोदरको हत्या हुन्छ। हत्याको आरोप अर्जुनमाथि लाग्छ। प्रधानमन्त्री कार्यालयबाट उनलाई पक्राउ गर्न आदेश जारी हुन्छ। आफ्नै संस्थाका अधिकारीहरूको हत्याको आरोप लागेपछि अर्जुन भाग्न बाध्य हुन्छन्। त्यसपछि उनी आफूलाई फसाउने व्यक्ति पत्ता लगाउन अनुसन्धानमा जुट्छन्।