तिहारको किनमेलले बजारमा उल्लास (तस्बिरहरू)

तिहार सुरु भएसँगै बजारमा फूलमाला, पूजाका सामग्री, झिलिमिली बत्ती, फलफूललगायत सामग्री किन्ने ग्राहकको चहलपहल बढेको हो। हेटौँडाको राप्तीरोडमा तिहार लक्षित बजारका रूपमा तोकिएको क्षेत्रमा बिहानैदेखि भीड लाग्न थालेको छ।

त्यस्तै, मेनरोड, बुद्धचोक, सीमाचोक, कान्तिराजपथ र संगमचोकलगायत बजार क्षेत्रमा पनि तिहारका सामग्री किन्नेको चहलपहल बढेको छ। तिहारमा घर सजाउन प्रयोग गरिने विभिन्न प्रकारका झिलिमिली बत्ती, पूजाका सामग्री, फूलमाला तथा फलफूल किन्न ग्राहक बजार पुगिरहेका छन्।

विशेषगरी भाइटीका र लक्ष्मीपूजाका लागि आवश्यक सामग्रीको किनमेलमा सर्वसाधारण व्यस्त देखिएका छन्। तिहारका लागि आवश्यक सामग्री एकै ठाउँमा उपलब्ध हुन थालेको छ।