रूपन्देहीमा अश्लील नृत्य प्रदर्शन गर्ने थप ३ युवती नियन्त्रणमा

पक्राउ पर्नेमा सल्यान कपुरकोट गाउँपालिका- २२ वर्षीया पुजा ठकुरी, दाङ गढवा गाउँपालिका-७ की २३ की सपना चौधरी र गुल्मी सत्यवती गाउँपालिका-६ की २४ की बिपना मगर छन्। विभिन्न स्थानमा संस्कृति, सामाजिक शिष्टाचार तथा नैतिकताको प्रतिकूल हुने गरी नृत्य गरेको भन्दै रूपन्देही प्रहरीले उनीहरूलाई पक्राउ गरेको हो।

प्रहरीका अनुसार आज मिति २०८३ साल कात्तिक २६ गते वडा प्रहरी कार्यालय भैरहवाबाट खटिएको प्रहरी टोलीले सिद्धार्थनगर नगरपालिका- ७ कान्छीबजारबाट उनीहरूलाई नियन्त्रणमा लिइएको हो। सार्वजनिक हित र नैतिकता विरुद्धको कसूरमा उनीहरूमाथि जिल्ला प्रहरी कार्यालयबाट थप अनुसन्धान भइरहेको प्रहरीले जनाएको छ।